Cylch Meithrin Ffestiniog

Eitem a ddisgynnodd trwy'r rhwyd wrth drosglwyddo deunydd rhifyn Medi i'r wasg, gydag ymddiheuriad i Mari.

Llythyr agored i Llafar Bro

Llan Ffestiniog- Cylch Meithrin Ffestiniog
Mae diwedd tymor (arall) wedi bod. Tydi hi heb fod yn flwyddyn heb iheriau, ond mae’r ymroddiad a'r proffesiynoldeb parhaol mae’r staff wedi dangos mor galonogol i’r Cylch.

Mae fy nghyfnod i, fel Person Cofrestredig yn dod i ben y tymor hwn. Mi fuaswn yn hoffi diolch am y profiad ac i’r holl rieni sydd wedi, ac yn parhau i wirfoddoli. Heb bwyllgor, yn syml does ddim Cylch. Mae’n bleser pur yn gweld cymaint o fwynhad mae’r plant yn gael o fynychu’r Cylch, a'r parotoad i’r ysgol yn amhrisiadwy.

Ym 2017 mi ddaru’r Cylch gael cartref newydd sef y YM yn y pentref. Mae’r gefnogaeth rydym wedi- ac yn parhau i dderbyn ganddynt yn arbennig, felly diolch yn fawr i chwithau hefyd.

Felly dyna’r oll sydd ar ôl i’w ddweud, yw pob hwyl i chi gyd ar bwyllgor newydd (gwych) fydd yn parhau i wirfoddoli er mwyn cadw’r Cylch i lewyrchu a’i barhau i basio ymlaen i’r rhieni newydd am flynyddoedd i ddod.
Gyda chofion gorau,
Mari Williams.