Gallwch weld yr erthygl yn llawn yn rhifyn Tachwedd.
Mae'r cynllun adnewyddu yng nghanol tref y Blaenau yn dirwyn tua'r terfyn erbyn hyn, a'r newidiadau i'w gweld yn glir. Mae'r pileri llechi ar safle wal yr hen Bont Cwîns gynt yn drawiadol, ac yn ffocws newydd i Sgwâr Diffwys, fel ag y mae'r palmantu newydd.
Gyda hyn, mi fydd byrddau dehongli yn rhoi gwybodaeth i ymwelwyr o hanes a daearyddiaeth yr ardal, yn cael eu harddangos mewn amrywiol safleoedd o amgylch y dre'.
Heb os, mi fydd yn atyniad newydd, gwerth chweil i ymwelwyr i'r dre', ac yn cyfleu agwedd fodern o gefndir diwydiannol prifddinas chwareli'r byd.
Mae'r llwybrau beiciau'n brysur ddod yn atyniad fyd-enwog, diolch i weledigaeth rhai o'n pobl ifainc.
Ac wrth sôn am weledigaeth pobl ifainc, dim ond
gobeithio y gwelwn eni sefydliad newydd yn fuan i gymryd lle Cymunedau'n
Gyntaf, sydd wedi dod i ben. Bu'r criw ifainc, hynod weithgar hynny, yn gymorth
mawr i nifer o sefydliadau yn y dre', a'n dymuniad, yn wir, yw y bydd pob un
ohonynt yn ymwneud ag adfywiad Blaenau Ffestiniog yn fuan eto.
Diolch ichi, o
waelod calon am eich ymdrechion drosom, griw annwyl Cymunedau'n Gyntaf!
No comments:
Post a Comment
Diolch am eich negeseuon