Ers talwm un o’r pethau y byddid yn ei wneud gan lawer cyn y Nadolig oedd gweithio cyflaith, neu ‘gyflath’, ar lafar gwlad.
Math o ddanteithfwyd melys oedd hwn a wneid mewn crochan neu badell fawr ar y tân, ac ar ôl i’r cynnwys melys ynddo ferwi codid ef bob yn dipyn a’i roddi mewn dŵr oer a phan galedai byddai’n barod i’w dynnu oddi ar y tân.
[Darn o lun a geir ar wefan Merched y Wawr]
Yna, tywelltid ef i ddysgl fawr neu ar lechen las fawr wedi ei hiro ag ymenyn, wedyn tynnid a thylinid y cyflath tra’n gynnes gan y cwmni fel ei fod yn melynu ychydig .
Erbyn yr 1950au roedd y cyflath yn debycach i daffi triog du, ond roedd hwnnw yn flasus hefyd a dyna a geid gan amryw o bobl pan elwid yn eu tai i hel calennig.
Bellach y mae wedi mynd yn focs o
Roses neu Celebrations, onid yw ?
No comments:
Post a Comment
Diolch am eich negeseuon