Rhifynnau Digidol a Covid 19

Dyma ddolen at ein RHIFYNNAU DIGIDOL o 2020 a 2021

Dyma'r rhifynnau a gyhoeddwyd yn ddigidol yn unig yn ystod cyfnodau clo y pandemig. Maen nhw ar gael o hyd i'w lawrlwytho am ddim. 

Mae rhifyn arbennig Rhagfyr 2020 -RHIFYN 500- ar gael hefyd. Cafodd pob cartref yn nalgylch Llafar Bro gopi am ddim o'r rhifyn dathlu hwn.

Os hoffech dderbyn pob rhifyn o Llafar Bro yn ddigidol, mae modd tanysgrifio i'w dderbyn fel pdf bob mis. Ewch i'r tab 'Tanysgrifio a Phrynu'. Diolch

 

DEG UCHAF GWEFAN LLAFAR BRO! 

Ar achlysur cyhoeddi'r 850fed erthygl ar y wefan, datgelwyd manylion y 10 erthygl fwyaf poblogaidd.

 

 

Negeseuon covid isod:

Mai 2022

Mi fydd pwyllgor Llafar Bro yn cyfarfod wyneb-yn-wyneb eto o hyn ymlaen. Mae croeso i bawb ymuno i rannu syniadau.

Ebrill 2021

Byddwn yn agraffu rhifyn papur eto, o'r diweddd, ac yn parhau i wneud hynny tra pery'n saff i'n dosbarthwyr. 

Mawrth 2021

Rhifyn digidol eto yn anffodus, fel Ionawr a Chwefror. Gwyliwch y gofod ynglŷn â rhifyn Ebrill...

Ionawr 2021

Yn anffodus, rhaid cyhoeddi'n ddigidol eto am rwan. Mi fydd y papur yn ôl pan fydd yn ddiogel i'n dosbarthwyr ni fynd o ddrws i ddrws. Diolch am eich cydweithrediad.

Cofiwch fod y rhifynnau digidol i gyd i'w cael am ddim trwy'r ddolen isod. 

Os medrwch, beth am brintio ambell ddarn neu dudalen adra, ar gyfer teulu neu gymydog sydd ddim ar y we?

 

Medi 2020

Mi fyddwn yn dychwelyd at y drefn o argraffu rhifynnau papur bob mis oni fydd y sefyllfa'n newid eto.

Gallwch weld ein rhifynnau digidol -a gyhoeddwyd ar y we yn ystod clo mawr 2020- trwy'r ddolen uchod.

Mae'r rhifynnau digidol uchod wedi bod ar gael am ddim ers eu cyhoeddi.Os hoffech barhau i dderbyn rhifyn digidol bob mis, ewch i'r tab 'Tanysgrifio' i weld y manylion.

23 Mawrth 2020

Er mwyn gwarchod ein dosbarthwyr, a'n darllenwyr hefyd, rydym wedi penderfynu
NA FYDDWN YN ARGRAFFU Llafar Bro nes bydd y sefyllfa wedi gwella.

Mae'n siom i bawb, ac yn ddigynsail: ni fu toriad yn y cyhoeddi ers y rhifyn cyntaf yn Hydref 1975, ond o dan yr amgylchiadau, gobeithiwn eich bod yn cytuno mae dyma'r peth cyfrifol a chywir i'w wneud.

Rydym yn parhau i gynnig newyddion ac erthyglau yn ddigidol ar gyfer y gymuned trwy'r cyfnod anodd hwn.
 
Daliwch ati i yrru newyddion, cyfarchion, lluniau, ac erthyglau atom. Gallwn eu rhoi yn y rhifynnau digidol a/neu ar ein cyfryngau cymdeithasol. 

Yn y cyfamser, cofiwch bod dros 770 o erthyglau eisoes ar y wefan hon; 'bodiwch' trwy'r tudalennau tra eich bod yma!

Efallai y gall rhai ohonoch argraffu ambell erthygl i'w rhannu efo aelodau'r teulu sydd ddim ar y we...

Cadwch yn ddiogel gyfeillion. Diolch am gefnogi eich papur bro. Daw eto haul ar fryn.