Un o’r wynebau newydd ddaeth i gyfarfod blynyddol Llafar Bro yn Y Pengwern fis Medi oedd Einir Haf Davies, ac roedd yn llawn brwdfrydedd a syniadau am gynnwys newydd i’n papur bro.
Syniadau am sut i ddenu teuluoedd ifanc i gymryd rhan, ac un o’r rheiny oedd cynnal cystadleuaeth i blant i wneud poster Calan Gaeaf, efo’r llun buddugol yn ymddangos yn y papur. Byddwn hefyd yn cynnwys lluniau pawb ar ein gwefan o fis i fis.
Diolch i Einir am ei gwaith arbennig yn denu diddordeb a chynnal y gystadleuaeth mewn amser byr. Diolch hefyd i gefnogwr di-enw am gynnig gwobr fechan y mis hwn.
Daeth nifer o gynigion ffantastig, ond llongyfarchiadau mawr i Lois Tanner am ennill y mis hwn. Dwi’n siwr y cytunwch chi fod ei phoster hi’n werth ei weld.
Y tro nesa, Noson Tân Gwyllt fydd thema’r gystadleuaeth. Ewch i dudalen gweplyfr/facebook Einir am y manylion.
Dyma gasgliad gwych o luniau eraill ddaeth i mewn y tro hwn; diolch bawb am eich gwaith caled, yn enwedig Martha Roberts; Hari Jones; Erin Williams; Erin Leaney; ac Aled Mitchelmore.
No comments:
Post a Comment
Diolch am eich negeseuon